雖然只有10個LIKES，我依然厚住面皮分享下去啊～(10個對我黎講算多架啦^＝＞咁都得？)
第一日開鋪，面對最大的問題，當然是根本無人見到我間車仔鋪。地產經紀曾經建議我在車仔鋪的頂上加塊板，整D宣傳，等沿扶手電梯上落的行人有機會見到我。（狂揮手大喊：有人賣護膚品呀喂～）於是我即刻DIY整個大BANNER，大大隻字寫了——【韓國護膚品】，仍沿用至今。當時諗住LADY點，粉紅色一定無死。雖然現在JanisC的主色是紫色，但對於車仔頂上的BANNER，我是捨不得丟掉。是我趴在地上狂貼封箱膠紙，令BANNER有點反光的效果啊～（雖然無人為意，但意義重大啊～）
另外，就是車仔擺放的方法，接手的時候，成架車仔貼住扶手電梯（即係同扶手電梯平行咁擺），前面仲要有條【該！死！的！柱！】⋯⋯車仔簡直係invisible！於是我嘗試將車仔打橫擺（車仔同扶手電梯的接觸位呈90度角），只有車仔的一角貼住扶手電梯，成架車仔可以伸出些少，條柱再阻唔到成架車（雖然只有1/3外露，好過無！）。大家行過，如果肯無啦啦探頭向內望，可以勉強望到車仔的另一端。我還記得，勉強有收視的角落，我擺左5支innisfree綠茶洗面膏⋯⋯
完成以上兩件事，就真係只欠東風了。正在等客之際⋯⋯突然，人有三急，想行開都有難度。因為一閂鋪就要將檯面既野搬晒入櫃⋯⋯唉！早期開鋪都用了30分鐘，搬上搬落。貨雖然不多，但係又想擺得靚，每次都要慢慢執。幸好媽咪下午探班，即刻將忍在個幾小時既野盡情響嘉豪酒家的洗手間大解放！（好核突=.=”）車仔左邊是賣熟食的小丸子，老闆好好人，見我一個人開鋪，都會話：「你要行開就話我知，幫你睇住先，唔洗驚！」（可能我果時個樣真係好騰雞）哈哈！
講左咁耐，都未講到做第一單生意添！大家會有興趣知嗎？
如果有興趣，不妨按個LIKE，留下言(^_^) Janis才有動力SHARE下去啊！
Janisc33 Healthy Cosmetic Box
Promote Your Page Too
沒有留言:
張貼留言